“Адолат” СДП Шовот тумани Кенгаши ташаббуси ва депутатлари билан Шовот туманининг марказий кўчаларидан бири — Туркистон кўчасида жойлашган озиқ-овқат дўконлари ўрганилди. Ўрганиш жараёнида депутатлар, тегишли назорат идоралари ва соҳавий мутахассислар иштирок этмоқда. Савдо шаҳобчаларида маҳсулотларнинг сифати, сақлаш шароити, санитария талабларига риоя қилиниши, нарх белгиларининг мавжудлиги ва қонуний асосланганлиги атрофлича кўздан кечирилмоқда. Шунингдек, тадбиркорларга амалдаги қонунчилик талаблари юзасидан тушунтиришлар берилмоқда.Аниқланган камчиликлар бўйича масъулларга тегишли кўрсатмалар берилиб, уларни бартараф этиш юзасидан аниқ муддатлар белгиланмоқда.Асосий мақсад — аҳолини сифатли ва хавфсиз озиқ-овқат маҳсулотлари билан таъминлаш, бозорларда адолатли нарх сиёсатига риоя этилишини таъминлаш ҳамда истеъмолчилар ҳуқуқларини ишончли ҳимоя қилишдан иборат.