O‘zbekiston Respublikasi Prezidentining 2024-yil 28-martdagi “Islom taraqqiyot banki ishtirokida «Qishloq joylarni kompleks rivojlantirish» (2-bosqich) loyihasini amalga oshirish chora-tadbirlari to‘g‘risida”gi PQ-141-sonli qarori asosida Muzrabot tumani “Yangiyer” MFY va “Buyuk ipak yo‘li” MFYda amalga oshirilayotgan qurilish, ta’mirlash ishlarining bajarilishi bo‘yicha xalq deputatlari tuman Kengashiga 10-Yangiyer saylov okrugidan saylangan deputat T.Tangirov hamda 16-Sho‘rob saylov okrugidan saylangan deputat S.Jumayevalar tomonidan o‘rganildi.

Hozirgi kunda “Yangiyer” MFY quyidagi ishlar bajarilmoqda.

- 30 km elektr tarmoqlarini mukammal ta’mirlash ishlari jadal olib borilmoqda. Elektr tayanchlar to‘liq o‘rnatilib, bugundan kabellarni tortish ishlari olib borilmoqda.

- Asfaltlash ishlari 10 foiz bajarilgan.

- Shag‘al to‘kish ishlari 60 foizga bajarilgan.

- Uchta osma ko‘prikni qurish ishlari boshlanish arafasida.

“Buyuk ipak yo‘li” MFY hududida yangi DMTT qurish va jihozlash loyihasi uchun. 2025-yil dekabr oyida tender savdolari o‘tkazilgan. Ishlarni bajaruvchi tashkilot tomonidan loyiha uchun ajratilgan hududda yer tekislash ishlari amalga oshirilmoqda.

O‘tkazilgan deputatlik nazorati natijasiga ko‘ra mutasaddilarga ishlarning sifatli amalga oshirish bo‘yicha tegishli qo‘shimcha ko‘rsatmalar berildi.