📌 4-Shohbekat saylov okrugida tizimli ishlar amalga oshirildi.

4-Shohbekat saylov okrugi deputati T. Isroilova tomonidan saylovchilar bilan ishlash, sog‘lom turmush tarzini targ‘ib etish hamda ijtimoiy masalalarni hal etishga qaratilgan qator tadbirlar tashkil etildi.

👟 Xususan, aholining jismoniy faolligini oshirish va sog‘lom hayot tarzini keng targ‘ib qilish maqsadida “5000 qadam” loyihasi doirasida ommaviy tadbir o‘tkazildi. Tadbir saylovchilar tomonidan ijobiy baholanib, keng ishtirok bilan o‘tdi.

👨‍👩‍👧‍👦 Shuningdek, ajrim yoqasida turgan yosh oila vakillari bilan profilaktik suhbat tashkil etilib, mas’ul mutasaddi tashkilotlar vakillari ishtirokida muammo atroflicha o‘rganildi. Olib borilgan tushuntirish va maslahatlar natijasida ushbu oilaning saqlanib qolishiga erishildi.

🏘 Barkamol MFY hududida mahalla faollari bilan uchrashuv o‘tkazilib, unda profilaktik masalalar, hududni obodonlashtirish hamda aholini qiynayotgan boshqa dolzarb muammolar muhokama qilindi.

🎓 Bundan tashqari, bitiruvchi yoshlar bilan davomat va kiyinish madaniyati mavzusida targ‘ibot-tashviqot suhbati tashkil etilib, yoshlarga ta’lim muassasalarida belgilangan ichki tartib-qoidalarga rioya etishning ahamiyati tushuntirildi.

Mazkur tadbirlar aholining ijtimoiy faolligini oshirish, sog‘lom muhitni shakllantirish va mahallalarda barqarorlikni ta’minlashga xizmat qilmoqda.