Joriy yilning 17 -yanvar kuni Toyloq tumanidagi 2-son texnikumida O‘zbekiston Liberal-demokratik partiyasi tuman Kengashi hamkorligida “Deputat va yoshlar” mavzusida uchrashuv bo‘lib o‘tdi. 

 ✔️Mazkur tadbirda Toyloq tuman Kengashi deputati Nasiba Mo‘minova hamda partiya tuman Kengashi apparati rahbari Zoyirjon Ziyodullayev ishtirok etdi. Uchrashuv ochiq muloqot shaklida o‘tib, unda yoshlarni qiziqtirgan masalalar, islohotlarning mazmun-mohiyati va ularning hayotimizdagi ahamiyati to‘g‘risida fikrlar yuritildi. 

 ✔️Davra suhbati davomida O‘zbekiston Respublikasi Prezidenti Shavkat Miromonovich Mirziyoyevning Oliy Majlis va O‘zbekiston xalqiga yo‘llagan Murojaatnomasi atroflicha tushuntirildi. Xususan, 2025-yil yakunlari bo‘yicha erishilgan yutuqlar, amalga oshirilgan tub islohotlar sarhisobi, shuningdek, 2026-yilda oldimizda turgan dolzarb vazifalar va ustuvor yo‘nalishlar haqida yoshlarga keng ma’lumot berildi. 

 ✔️Tadbir davomida partiyaning “Yangi avlod kadrlari” loyihasi mazmun-mohiyati ham tushuntirildi. Ushbu loyiha orqali yoshlar orasida kadrlar zaxirasini shakllantirish, ularni kasbga yo‘naltirish, liderlik fazilatlarini rivojlantirish, siyosiy ta’lim berish va amaliy tajriba orttirish uchun keng imkoniyatlar yaratilayotgani ta’kidlandi. 

 ✔️Uchrashuvda tuman Kengashi deputati Nasiba Mo‘minova texnikumda o‘quvchilar uchun yaratilgan shart-sharoitlar bilan yaqindan tanishib, ta’lim sifatini oshirishga qaratilgan ishlar, kasb- hunarga yo‘naltirish bo‘yicha mavjud muammolar va ularning yechimlari yuzasidan o‘z takliflarini bildirdi. 

 ✔️Bunday uchrashuvlar yoshlarning ijtimoiy-siyosiy faolligini oshirish, ularni mamlakat hayotida faol ishtirok etishga undashda muhim ahamiyat kasb etadi. 

✔️Tadbir yakunida texnikum rahbariyatiga O‘ZLIDEP ning targ‘ibot sovg‘alari topshirildi.