“Tashabbusli byudjet” jarayonlariga kiritilgan yangi o‘zgarish vа qo‘shimchalar yuzasidan seminar-trening tashkil etildi. Mazkur seminarda shahar hokimligi masʼullari, shahar Kengashi deputatlari, mahalla faollari hamda Iqtisodiyot va moliya vazirligi xodimlari ishtirok etib, 2026 yildan boshlab joriy etilishi rejalashtirilgan yangiliklar haqida batafsil tushuntirishlar berdilar.

Xususan, tanlovda g‘olib bo‘lmagan loyihalar orasidan har bir mavsumda bittasini Oliy Majlis Qonunchilik palatasi deputati tomonidan g‘olib deb topish, shuningdek, ijtimoiy ahamiyatga ega loyihalarni aholi va davlat sherikligida moliyalashtirish amaliyotini joriy etish masalalari muhokama qilindi.

Seminar davomida ishtirokchilar o‘zlarini qiziqtirgan savollarga mutaxassislardan atroflicha aniq javoblar oldilar. Ushbu tadbir “Tashabbusli byudjet” jarayonlarida aholining faolligini oshirish vа loyihalarning samaradorligini taʼminlashga xizmat qilishi taʼkidlandi.