Халқ депутатлари Наманган туман Кенгаши депутати, ЎзЛиДеП Наманган туман Кенгаши раиси Турсунов Абдуғоффор Баннаевич томонидан ҳудудларда ёшлар билан навбатдаги учрашув ўтказилди.

Мазкур мулоқот Ўзбекистон Республикаси Президентининг 2026 йил учун Олий Мажлисга Мурожаатномасида белгиланган устувор вазифалардан келиб чиққан ҳолда ташкил этилди. Учрашувда ёшларнинг ижтимоий-сиёсий фаоллигини ошириш, уларни ислоҳотлар жараёнига кенг жалб этиш, тадбиркорлик, бандлик, таълим ва инновация соҳаларидаги имкониятлар ҳақида атрофлича фикр алмашилди.

Абдугоффор Турсунов ўз сўзида Президент Мурожаатномасида ёшлар масаласи давлат сиёсати даражасига кўтарилганини, уларни қўллаб-қувватлаш, билимли ва рақобатбардош авлодни тарбиялаш энг муҳим вазифалардан эканини таъкидлади.

Учрашув давомида ёшлар томонидан билдирилган таклиф ва ташаббуслар диққат билан тингланиб, уларнинг ечими бўйича аниқ таклифлар илгари сурилди. Бундай учрашувлар ёшлар билан очиқ мулоқотни янада мустаҳкамлашга, уларнинг келажакка бўлган ишончини оширишга хизмат қилмоқда.

Slide 1 of 5