O’zLiDePнинг “Янги авлод кадрлари” лойиҳаси доирасида Навоий давлат университети Аниқ фанлар факультетида талабалар иштирокида давра суҳбати
ташкил этилди. Тадбир Президентимизнинг Олий Мажлис ва Ўзбекистон халқига йўллаган Мурожаатномасида белгиланган устувор йўналишлардан келиб чиқиб,
ёшларнинг билим, инновация ва масъулият соҳасидаги ўрнини таҳлил қилишга қаратилди. 

-Президент Мурожаатномаси ва ёшлар сиёсати Мурожаатномада ёшлар Янги Ўзбекистоннинг асосий ҳаракатлантирувчи кучлари сифатида эътироф этилди. Давлат сиёсатида уларнинг билимли, инновацион фикрлайдиган ва масъулиятли авлод сифатида шаклланиши устувор вазифа сифатида белгиланди. Бу эса таълим, фан ва инновация соҳаларида ёшлар учун кенг имкониятлар яратишни тақозо этади. 

-Давра суҳбатида муҳокама қилинган масалалар Билим ва инновация: Талабаларга замонавий билим олиш, илмий ғояларни амалда татбиқ этиш ва инновацияга қизиқишни ошириш зарурлиги таъкидланди. 

-Масъулият ва фуқаролик позицияси: Ёшлар нафақат билим олиши, балки жамиятда ташаббус кўрсатиши ва масъулиятни ўз зиммасига олиши кераклиги уқтирилди. 

-Партия сафига аъзо бўлиш тартиби: Талабалар партияга аъзо бўлиш жараёни, ариза топшириш, устав талаблари ва аъзолик бадали ҳақида саволлар бердилар. Партияга аъзолик ихтиёрийлик асосида амалга оширилиши ва ёшлар учун жамиятда фаол иштирок этиш имконияти яратиши таъкидланди. 

-Ёшлар учун имтиёзлар: Давлат томонидан ёшларга таълим грантлари, тадбиркорликни қўллаб-қувватлаш дастурлари, стартап лойиҳаларига кредитлар ва ижтимоий-иқтисодий имкониятлар яратилгани ҳақида маълумот берилди. 

-Талабаларнинг қизиқишлари 

Талабалар қуйидаги масалаларга алоҳида эътибор қаратдилар: 

Партияга аъзо бўлишда қандай ҳужжатлар талаб этилади? Аъзолик ёшлар учун қандай афзалликлар яратади? Давлат томонидан бериладиган
имтиёзлардан қандай тартибда фойдаланиш мумкин? 

-Учрашув натижалари  

Тадбир якунида 30 нафардан ортиқ талабалар партия сафига қабул қилинди. Шунингдек, 5 нафар талабалар “Янги авлод кадрлари” захирасига
олинди. Бу натижа ёшларнинг сиёсий жараёнлардаги фаоллиги ва Янги Ўзбекистон тараққиётига ҳисса қўшишга тайёрлигини намоён этди. 

-Хулоса 

Навоий давлат университетида ўтказилган мазкур давра суҳбати талабаларда Янги Ўзбекистондаги ўз ўрнини англаш, билим ва инновацияга интилиш,
ҳамда жамият олдидаги масъулиятни ҳис қилиш туйғусини мустаҳкамлади. Ёшлар партия ва давлат сиёсатида фаол иштирок этиш орқали янги авлод кадри сифатида мамлакат тараққиётига муносиб ҳисса қўшишлари мумкин. 

Фидокорлик эътирофи 

Тадбир якунида O‘zLiDeP Навоий вилоят Кенгаши раисининг аёллар масалалари бўйича ўринбосари, халқ депутатлари вилоят Кенгаши депутати,
техника фанлари доктори Насирова Шаира Нармурадовнага партия ташаббусларини қўллаб-қувватлаш, “Инклюзив жамият сари” лойиҳасидаги фаол иштироки ва фидокорона меҳнатлари учун O‘zLiDeP Сиёсий Кенгаш Ижроия қўмитаси раисининг ташаккурномаси тантанали равишда топширилди.