Termiz tuman Kengashi deputatlari G. Shafoatova va K. Abdullayeva tomonidan tumandagi tashkilotlarda korrupsiyaga qarshi kurashish siyosatining ijrosi izchil o‘rganib borilmoqda. Shu doirada deputatlar Termiz tuman Kambag‘allikni qisqartirish va bandlikka ko‘maklashish bo‘limida bo‘lib, tashkilotda halollik tamoyillarining amal qilinishi, ichki nazorat tizimi va mas’uliyat standartlarining amaldagi holati batafsil tekshirildi.

Ushbu tashrif va tekshiruvlar natijalari O‘zbekiston ovozi gazetasining 2026-yil 21-yanvardagi 3-sonida chop etildi. Deputatlarning faoliyati nafaqat korrupsiyaga qarshi kurashni kuchaytirishga, balki jamiyatda adolat va oshkoralik tamoyillarini mustahkamlashga xizmat qilmoqda.

Bu ishlar shuni ko‘rsatadiki, illatning ildiziga qarshi kurashish – har bir fuqaroning, shu jumladan deputatlarning ham burchidir. Korrupsiyaga qarshi ko‘rsatgan har bir tashabbus, tashkilotlarda halollik va mas’uliyatni mustahkamlash, jamiyatimizning rivojlanishiga beqiyos hissa qo‘shadi.