Deputat va aholi muloqoti:

O‘zbekiston Respublikasi Prezidenti Shavkat Mirziyoyevning 2025-yil 26-dekabr kuni Oliy Majlisga va ko‘p millatli xalqimizga yo‘llagan Murojaatnomasida belgilab berilgan ustuvor
vazifalari, O‘zbekiston Respublikasi Prezidentining 2025-yil 29-avgustdagi PQ-264-son qarori va Oliy Majlisi Senati Kengashining 2025-yil 17-dekabrdagi KQ-280-V sonli qarori bilan “Tashabbusli budjet” jarayonlarini o‘tkazish hamda “O‘zbekiston-2030” startegiyasini takomillashtirishning mazmun-mohiyati va uning amaliy ahamiyati yuzasidan 10-Mo’g’ol saylov okrugidan saylangan deputat U.Almanov tomonidan Baxmal tumanidagi 45-umumiy o‘rta ta’lim maktabida o‘qituvchi va xodimlar ishtirokida ma’naviy-ma’rifiy mashg‘ulot tashkil etildi. Mazkur uchrashuv davomida Prezidentimizning Murojaatnomasida ilgari surilgan ta’lim sifatini oshirish, pedagog kadrlarning kasbiy salohiyatini yuksaltirish, Murojaatnomada belgilangan vazifalarning ta’lim muassasalari faoliyatidagi ahamiyati, ularni amaliyotga tatbiq etish shuningdek “Tashabbusli budjet” hamda “O‘zbekiston-2030” startegiyasini
takomillashtirishning mazmun-mohiyati masalalari yuzasidan fikr almashildi.