19-Mingchinor saylov okrugidan saylangan deputat Rahimova Gavhar Ismailovna o‘zining ko‘p yillik o‘qituvchilik tajribasidan samarali foydalangan holda Prezident murojaatnomasida belgilangan ustuvor vazifalarning mazmun-mohiyatini o‘quvchi-yoshlar o‘rtasida keng targ‘ib qildi.

Targ‘ibot tadbirlari davomida Prezident murojaatnomasida ta’lim sifatini oshirish, yoshlarni qo‘llab-quvvatlash, aholi farovonligini ta’minlash, ijtimoiy-iqtisodiy rivojlanishni jadallashtirish hamda davlat dasturlari ijrosini ta’minlashga qaratilgan muhim yo‘nalishlar bo‘yicha batafsil tushuntirish ishlari olib borildi.

Uchrashuvlar chog‘ida o‘quvchi-yoshlarning qiziqtirgan savollariga javoblar berildi, ularning taklif va tashabbuslari tinglandi. Bunday ochiq muloqotlar yoshlarning faol fuqarolik pozitsiyasini shakllantirish, Prezident murojaatnomasida belgilangan maqsad va vazifalarni chuqur anglashga xizmat qildi.