Xalq deputatlari Sho‘rchi tumani Kengashidagi O‘zbekiston Xalq demokratik partiyasi deputatlik guruhi rahbari O‘rol Chutboyev rahbarligida hamkor tashkilotlar, deputatlar, “Keksalar maslahati” guruhi a’zolari, imom-xatiblar, “Buvijonlar maktabi” a’zolari ishtirokida o‘quv seminari o‘tkazildi. Ushbu tadbir O‘zbekiston Respublikasi Prezidentining Oliy Majlis va O‘zbekiston xalqiga yo‘llagan Murojaatnomasi hamda “O‘zbekiston – 2030” strategiyasida belgilangan ustuvor vazifalarning mazmun-mohiyatiga bag‘ishlandi. 

       O‘quv seminarida Prezident Murojaatnomasida belgilangan vazifalar, harbiy xavfsizlikni mustahkamlashning ustuvor yo‘nalishlari, 2024-yil 25-noyabrda qabul qilingan “Kambag‘allikdan farovonlik sari” dasturini amalga oshirishga
faol nuroniylarni jalb etish chora-tadbirlari to‘g‘risidagi PQ–405-sonli qaror, Vazirlar Mahkamasining 2024-yil 27-dekabrdagi 892-sonli qarori hamda 2023-yil 11-martdagi PQ–92-sonli qarorining 4-bandi ijrosini ta’minlash masalalari muhokama qilindi. 

       Shuningdek, “Nuroniylar har bir oilaga mas’ul” loyihasi doirasida muammoli oilalarni o‘rganish, “Mahalla yettiligi” a’zolarining Prezident Murojaatnomasida ilgari surilgan g‘oya va tashabbuslarni aholiga yetkazish bo‘yicha amalga oshiradigan vazifalari belgilab olindi. “Yurt obodligi va tinchlik-xotirjamlik mahalladan boshlanadi” g‘oyasini ilgari surgan holda taniqli olimlar, ijodkorlar, yoshlar vakillari, harbiy xizmatchilar hamda “Ma’rifat” targ‘ibotchilari jamiyati a’zolari ishtirokida mahallalarda targ‘ibot uchrashuvlarini tashkil etish masalalari yuzasidan fikr-mulohazalar bildirildi. 

       Seminar yakunida yuqorida belgilangan topshiriqlar asosida 2026-yilga mo‘ljallangan reja-tadbirlar ishlab chiqilib, mas’ullarga aniq vazifalar yuklatildi.