💬O‘zbekiston Respublikasi Prezidenti tomonidan Oliy Majlis va O‘zbekiston xalqiga yo‘llangan murojaatnomada belgilab berilgan ustuvor yo‘nalishlar va muhim vazifalarning mazmun-mohiyatini keng targ‘ib etish maqsadida Xalq deputatlari Jondor tumani Kengashi deputati Z.G‘. Shomurodova tashabbusi bilan seminar tashkil etildi.

💬Seminar davomida Prezidentimiz murojaatnomasida alohida e’tibor qaratilgan ta’lim sohasini rivojlantirish, yoshlar tarbiyasi, ta’lim sifatini oshirish, pedagog kadrlarning kasbiy salohiyatini yuksaltirish, shuningdek, ijtimoiy sohani yanada takomillashtirishga qaratilgan ustuvor vazifalar atroflicha yoritildi va ishtirokchilarga batafsil tushuntirib berildi.

💬Shuningdek, Z.G‘. Shomurodova o‘z chiqishida murojaatnomada belgilangan vazifalarni joylarda samarali amalga oshirish, ta’lim muassasalari faoliyatiga izchil joriy etish hamda olib borilayotgan islohotlarning amaliy natijadorligini ta’minlash masalalariga alohida to‘xtalib o‘tdi.

📶Seminar yakunida ishtirokchilar tomonidan murojaatnomada belgilangan ustuvor vazifalar yuzasidan fikr-mulohazalar bildirilib, kelgusida amalga oshiriladigan ishlar bo‘yicha taklif va tashabbuslar ilgari surildi.