Xalq deputatlari Parkent tumani Kengashiga 16-“Bodomtepa” saylov okrugidan saylangan deputat Ashirmatova Xurshida Soliyevna o‘zi saylangan okrugidagi “Bodomtepa” va “Quruqsoy” MFY fuqarolari bilan uchrashuvlarda kelib tushgan aholi taklif va mulohazalaridan kelib chiqib Parkent tumanida chiqindilarni o‘z vaqtida olib chiqish holatini o`rganish maqsadida tegishli mutasaddi tashkilot “ZERO-WASTE” MChJ Parkent tuman filiali faoliyati bilan tanishdi. O‘rganish davomida korxona ma`sul xodimi tomonidan bugungi kunda korxonada 17 ta chiqindi tashuvchi texnikalar, 224 ta chiqindi konteynerlari, 3 ta chiqindi yig'ish shaxobchalari mavjudligi hamda barcha transport vositalariga masofadan onlayn kuzatuvchi GPS uskunasi o‘rnatilganligi aytib o‘tildi. Shuningdek hozirgi vaqtda tumandagi barcha MFY lardan chiqindilarni olib chiqib ketish tasdiqlangan reja garafik asosida amalga oshirilib bir kunda tuman xududan o‘rtacha 240 m³ qattiq maishiy chiqindilar tashib chiqib ketishi haqida ma'lumotlar berildi.