Bugun tuman hokimligi katta majlislar zalida Xalq deputatlari Parkent tuman Kengashining navbatdagi yettinchi chaqiriq o‘n sakkizinchi sessiyasi bo‘lib o‘tdi. Unda tuman hokimi Elmurod Po‘latov, tuman Kengashi deputatlari, hokim o‘rinbosarlari, tegishli tashkilot mutasaddilari hamda OAV vakillari ishtirok etishdi. Sessiyaga “Tadbirkorlar va ishbilarmonlar Harakati –O‘zbekiston liberal demokratik partiyasi” dan saylangan deputat N.To‘ychiyev raislik qildi. Sessiyada deputat Dadamatov Faxritdin Janobovich Xalq deputatlari Parkent tuman Kengashi raisi etib saylandi. Faxritdin Janobovich 1966-yil Parkent tumanida tug‘ilgan. Ma’lumoti oliy. 1988-yilda Toshkent irrigatsiya va qishloq xo‘jaligini mexanizatsiyalashtirish muhandislari institutini tamomlagan. O‘zbekiston xalq demokratik partiyasi a’zosi. Faxritdin Janobovich mehnat faoliyatini 1988-yil Toshkent viloyati Parkent tumani "Navbahor" jamoa xo‘jaligida muhandis-mexanik lavozimidan boshlagan. 1991-1995-yillar mobaynida Toshkent viloyati Parkent tumani Yoshlar ittifoqining ikkinchi va birinchi kotibi, 1995-1997-yillarda Toshkent viloyati Parkent tumani hokimligi birinchi toifa mutaxassisi, 2012-2017-yillarda Toshkent viloyati “Mahalla” xayriya jamoat fondi Parkent tuman bo‘limi raisi, 2017-2019-yillarda Fuqarolarning o‘zini o‘zi boshqarish organlari faoliyatini muvofiqlashtirish bo‘yicha Parkent tuman kengashi raisining birinchi o‘rinbosari hamda 2022-2025-yillarda Parkent tuman Agrosanoat majmuyi xodimlari kasaba uyushmasi tuman kengashi raisi
lavozimlarida faoliyat yuritgan. 2025-yildan xozirgi vaqtga qadar O‘zbekiston mahallalar uyushmasi Parkent tumani bo‘limi boshlig‘i lavozimida ishlab kelmoqda.