Xalq deputatlari Nurafshon shahar Kengashining 9-“Bobur” saylov okrugidan saylangan deputat saylovchilar bilan uchrashish va mahallalar infratuzilmasining holatini bevosita oʻrganish maqsadida hududga chiqdi.

Deputat K.Umarboyev oʻz hududidagi ijtimoiy obʼyektlar va muhandislik-kommunikatsiya tizimlarini koʻzdan kechirdi. Xususan, oqova ariqlarning tozaligi va suv resurslaridan oqilona foydalanish masalalariga alohida eʼtibor qaratildi. Oʻrganish jarayonida ariqlarning ayrim joylarida tozalash ishlariga ehtiyoj borligi aniqlandi va tegishli masʼullarga zudlik bilan chora koʻrish boʻyicha topshiriqlar berildi.

Hududning iqtisodiy faolligini oshirish va aholining daromad manbalarini kengaytirish maqsadida, mahallada istiqomat qiluvchi fuqarolarga oqava ariqlardan oqilona foydalanishga qaratilgan inovatsion taklif bilan chiqdi.

Ushbu taklif suv sifatini tozalashga yordam berishi bilan birga, aholi uchun qoʻshimcha oilaviy biznes imkoniyatini yaratadi.