Toyloq tuman hokimi, tuman Kengashi rayisi B.Raxmatullayev "Bog'izog'on" kichik sanoat zonasi hududida joylashgan tadbirkorlik subyektlari bilan uchrashuv o‘tkazdi.    

Uchrashuv davomida ularning muammo va takliflari o‘rganildi. Tadbirkorlarning muammolarini hal etish yuzasidan tegishli mas'ullarga ko'rsatma berildi.    

Shundan so‘ng, ishlab chiqarish loyihalarini amalga oshirishda sustkashlikka yo‘l qo‘ygan tadbirkorlar bilan suhbatlashdi. Ularning majburiyatlarini eslatib, qurilish ishlarini jadallashtirish belgilangan muddatlarda loyihalarni ishga tushirish bo‘yicha topshiriqlar berildi. 

Bog‘izog‘on kichik sanoat zonasidagi loyihalar ishga tushishi natijasida yuzlab yangi ish o‘rinlari yaratilishi, tuman iqtisodiyotida qo‘shimcha qiymatga ega mahsulotlar ishlab chiqarilishi va eksport salohiyati oshishi kutilmoqda.