Bugun Tuman hokimi, Xalq deputatlari tuman Kengashi raisi tomonidan murojaat bilan kelgan fuqarolar navbatdagi ochiq qabuldan o‘tkazildi.

Qabul davomida fuqarolarning turli yo‘nalishlardagi taklif va murojaatlari tinglanib, uzoq vaqt hal bo‘lmay kelayotgan masalalar o‘rganildi. Fuqarolar tomonidan asosan bandlikni ta’minlash, yangi ish o‘rinlari yaratish, nogironligi bo‘lgan shaxslarga ijtimoiy va tibbiy yordam ko‘rsatish kabi masalalar ko‘tarildi.

Hokim uchrashuv davomida har bir murojaat e’tiborsiz qolmasligi, tegishli davlat idoralari tomonidan muammolarni bartaraf etish bo‘yicha aniq choralar ko‘rilishini ta’kidladi. Shuningdek, fuqarolarning davlat idoralaridan rozi bo‘lishi va murojaatlarning o‘z vaqtida hal etilishi mahalliy hokimiyatning ustuvor vazifasi ekani alohida qayd etildi.

Tuman hokimi, tuman Kengashi raisi

B.Raxmatullayev.