Bugun Tuman Kengashi deputatlari Sidikov Farhod va Xamroyev Boburlar ishtirokida mahallada Hokim yordamchilari tomonidan amalga oshirilayotgan ishlar samaradorligi o‘rganildi. Tashrif davomida, aholini kambag‘allikdan chiqarish, oilalarni qo‘llab-quvvatlash, bandlikni ta’minlash, tadbirkorlikni rivojlantirish hamda ijtimoiy yordamlarni yetkazish bo‘yicha amalga oshirilayotgan chora-tadbirlar ko‘zdan kechirildi. Deputatlar mahalla faollari, Hokim yordamchilari va mutasaddi tashkilot vakillari bilan suhbatlashib, mavjud masalalar, ularning yechimi hamda olib borilayotgan loyihalarning natijadorligi yuzasidan batafsil ma’lumot oldilar. Shuningdek, aholining turmush darajasini oshirish, oilaviy tadbirkorlikni kengaytirish va ijtimoiy himoyaga muhtoj qatlamlarni manzilli qo‘llab-quvvatlash masalalari muhokama qilindi. O‘rganish yakunida mas’ullarga aniqlangan masalalar bo‘yicha tegishli topshiriq va tavsiyalar berildi.