Deputatning “Mahalla yettiligi” bilan hamkorligi hamda saylovchilar bilan uchrashuvi.

          Xalq deputatlari Bag‘dod tumani Kengashining 7-Yo‘ldashobod saylov okrugiga O‘zbekiston Liberal Demokratik partiyasidan saylangan deputati M.Dehqonov o‘z saylangan hududi, Xo‘jaqishloq mahalla fuqarolar yig‘inida aholisi bilan navbatdagi uchrashuvni o‘tkazdi. Uchrashuvda o‘tgan to‘rt oy davomida hududni ijtimoiy-iqtisodiy rivojlantirish, aholini yashash sharoitini yaxshilash bo‘yicha amalga oshirilgan ishlar hamda kelgusidagi vazifalar yuzasidan axborot berdi.

          Shuningdek, O‘zbekiston Respublikasi Oliy Majlisi Senatining 2025-yil 14-yanvardagi KQ-35-V-sonli qaroriga asosan, mahallalardagi muammolarni xal etishda Xalq deputatlari mahalliy Kengash deputatlari va “Mahalla yettiligi”ning o‘zaro hamkorligini yo‘lga qo‘yilgan bo’ib, shu asosida mahallada “Mahalla yettiligi” bilan hamkorlikda sayyor qabul o‘tkazildi. Sayyor qabulda fuqarolarning murojaatlariga taalluqli bo‘lgan “Farg‘ona suv ta’minoti” AJ Bag‘dod tuman filili rahbari hamda “Hududgaz Farg‘ona” gaz ta’minoti filiali “Bag‘dod tuman gaz” bo‘limidan tegishli mas’ullar ishtirok etib, hududda 2025-yil 4 oyi davomida amalga oshirilgan ishlar yuzasidan hisobotlari tinglandi.