Kuz-qish mavsumiga tayyorgarlik: ta’lim muassasalari
infratuzilmasi yaxshilanmoqda 

🔹 Farg‘ona tumanida kuz-qish mavsumiga tayyorgarlik
ishlari doirasida Xalq deputatlari tuman Kengashi deputati Bahodirjon Ahmadjonov
tomonidan Yuqori archa mahallasidagi 26-sonli umumiy o‘rta ta’lim maktabida kuz-qish
mavsumiga tayyorgarlik holati atroflicha o‘rganildi. 

🔹 O‘rganish jarayonida
aniqlangan muammolar deputatning qat’iy aralashuvi va tizimli nazorati bilan bartaraf
etildi. Xususan, maktabning isitish tizimi, yorug‘lik va infratuzilma holati ko‘rib
chiqilib, eski rusumdagi jabhalar va qurilish qismlari zamonaviy talablarga mos
holda ta’mirlandi. 

🔹 Kelgusida shunga o‘xshash muammolarning o‘z vaqtida bartaraf etilishi
maqsadida DXSh mas’ullariga aniq topshiriqlar berildi va vaziyat deputat tomonidan
qat’iy nazoratga olindi. Bu chora-tadbirlar bolalarning qish mavsumida xavfsiz va
qulay ta’lim olishi, shuningdek maktab infratuzilmasi sifatining barqarorligiga
xizmat qiladi. 

🔹 Deputat tomonidan olib borilgan ishlar mahalla aholisi va ota-onalar
tomonidan ham yuqori baholanib, aholi bilan ochiq muloqot va hamkorlikni mustahkamlashga
xizmat qilmoqda.