Xalq deputatlari Bekobod shahar kengashi deputati Sayyora Ergasheva “Mustaqillik” saylov okrugidagi mahalla faollari bilan olib borilayotgan ishlar tahlil etildi. Jumladan, boshqaruv servis kompaniyasi faoliyati samaradorligi ko‘rib chiqildi. Mahalladagi ko‘p qavatli uylarga nazorat kameralari o‘rnatilgan bo‘lib, biroq bugungi kun holatiga ish holatida emasligi, undan tashqari mahalla idorasi bilan 17-sonli umumta’lim maktabi oralig‘idagi kanalizatsiya qudug‘iga vintel o‘rnatish zarurligi, mahallaning Oybek va Ulug‘bek ko‘chalaridagi kanalizatsiya quduqlariga qopqoqlar o‘rnatish lozimligi aniqlandi. Deputat va mahalla raisi hamda faollar bilan ushbu masalalar yechimini bartaraf etish choralari kelishib olinib, tegishli idoralarga deputatlik so‘rovini chiqarish belgilandi.