🔹Tashkil etilgan maxsus iqtisodiy, kichik sanoat va yoshlar sanoat zonalari faoliyatidagi muammolarni aniqlash, ularni hal etishga ko‘maklashish, shuning bilan birga mazkur zonalarda amalga oshirilayotgan yangi loyihalar to‘g‘risida keng jamoatchilikni xabardor qilish muhim ahamiyatga ega.

🔹Xalq deputatlari Uchko‘prik tumani Kengashi deputati Nasibaxon Imomaliyeva va tadbirkorlar va ishbilarmonlar harakati-O‘zbekiston Liberal-demokratik partiyasi tuman Kengashining apparat rahbari Dilfuzaxon Nishonova tadbirkorlik sub’ektlariga amaliy yordam berish, ular muammolarini o‘rganish maqsadida tumandagi “VIKOR METAN” MChJ qo‘shma korxonasiga tashrif buyurdilar. Ushbu tadbirkorlik sub’ekti tomonidan avtomobillar uchun ishlab chiqarilgan gaz balonlar tashqi va ichki bozorlarga yetkazib berilmoqda. Investitsiya maydoni to‘rt gektarni tashkil etadigan tadbirkorlik sub’ekti o‘z faoliyatini rivojlantirishi natijasida yangi ish o‘rinlari yaratilib, hozirgi kunda 110 nafar ishchi-xodimlar mehnat qilmoqdalar. Hududda mana shunday iqtisodiy barqaror ishlab chiqarish korxonalarining rivojlanishi aholi farovonligini ta’minlayapti.

                                                                                                          Xalq deputatlari Uchko‘prik tumani Kengashi kotibiyati