📘 Oltinsoy tumanidagi ixtisoslashtirilgan maktabda ekologiyaga bag‘ishlangan ochiq mashg‘ulot tashkil etildi. Unda tabiatni asrash va ekologik muammolar mavzusi ochiq dars bo‘lib o‘tdi. 

🔸 Ushbu tadbirda tuman Xalq deputatlari Kengashi kotibiyati mudiri M.Xujanov, tuman Kengashi deputati A.Mamatmuratov, kotibiyat bosh mutaxassisi I.Roziqov hamda “Qoratepa” mahalla faxriysi I.Obilovlar ishtirok
etdilar. 

👩🏫Mashg‘ulot davomida o‘quvchilarga global iqlim o‘zgarishlari, atmosfera va suv havzalarining ifloslanishi, Orol dengizi bilan bog‘liq ekologik inqiroz, chiqindilarni boshqarish muammolari yuzasidan tushunchalar berildi. Jamoaviy ishlarda o‘quvchilar ushbu muammolarning kelib chiqish sabablari, salbiy oqibatlari va ularni kamaytirish yo‘llari haqida fikr almashdilar. 

📍 Mashg‘ulotdan ko‘zlangan maqsad: yoshlar ongida ekologik mas’uliyatni kuchaytirish, tabiatga ehtiyotkorona munosabatni shakllantirish. 

📍 Erishilgan natija: o‘quvchilar ekologik muammolar har bir insonni bevosita qiziqtirishi, tabiatni asrash har kimning burchi ekanini anglab yetdilar. 

Oltinsoy tumani Kengash Kotibiyati Axborot xizmati