Xalq deputatlari Pastdarg‘om tuman Kengashi deputati G.Bozorova fuqarolar o‘rtasida profilaktika va huquqiy xabardorlikni oshirish maqsadida uchrashuvlar o‘tkazib, mavjud ishonch telefonlari hamda rasmiy platformalar haqida batafsil ma’lumot berdi.

Tadbir davomida korrupsion holatlarni yashirmaslik, aksincha darhol tegishli idoralarga murojaat qilish zarurligi uqtirildi. Fuqarolarga quyidagi aloqa kanallari eslatib o‘tildi:

– Korrupsiyaga qarshi kurashish agentligining 1241 qisqa raqami;

– Mahalliy idoralar ishonch telefonlari;

– Deputatning bevosita murojaatlar uchun ochiq aloqa kanallari.

Mazkur tashabbusning asosiy maqsadi – shaffoflikni ta’minlash, fuqarolarni korrupsiyaga qarshi kurash jarayonining faol ishtirokchisiga aylantirishdir. Deputat bunday uchrashuvlar muntazam davom ettirilishini ma’lum qildi.