Deputatlar va mahalla yettiligi o‘rtasidagi hamkorlik aholi muammolarini o‘z vaqtida aniqlash, ularni bosqichma-bosqich hal etish, hududda obodonlashtirish ishlarini samarali tashkil etishda muhim ahamiyatga ega.

Shu maqsadda, xalq deputatlari Pastdarg‘om tuman Kengashi deputati N.Allayorova "Ilm" mahallasiga tashrif buyurib, yettilik faoliyati bilan tanishdi. Aholi turmush tarzi, infratuzilma holati, xavfsizlik va ozodalik masalalari atroflicha o‘rganildi. Xonadonma-xonadon yurib, aholi bilan ochiq muloqot o‘tkazilib, murojaat va takliflar tinglandi.

Hamkorlikda mahalladagi muammolarni hal etish, obodonlashtirish ishlarini rivojlantirish, yoshlar va xotin-qizlar uchun shart-sharoitlar yaratish bo‘yicha amaliy vazifalar belgilab olindi.

Deputat va mahalla yettiligining bunday yaqin hamkorligi hudud ravnaqiga, aholi farovonligiga xizmat qiladi.