Xalq deputatlari Muzrabot tumani Kengashi deputatlari tomonidan O‘zbekiston Respublikasi Konstitutsiyasi qabul qilinganining 33-yilligi munosabati bilan hududlarda qator ma’naviy-ma’rifiy targ‘ibot tadbirlari o‘tkazilmoqda. Joriy yilning 5-dekabr kuni tuman Kengashi deputati B.Kurbanov Muzrabot tuman politexnikumida, deputat S.Nurmahmatov Al-Hakim at-Termiziy mahallasida joylashgan 31-maktabda va deputat B.Mahammadiyeva tuman adliya bo‘limi xodimlari uchun “Konstitutsiya-erkin va farovon hayot garovi!” degan bosh gʻoyani oʻzida mujassam etgan targ‘ibot tadbirlarini o‘tkazdilar.

O‘tkazilgan targ‘ibot tadbirlari davomida deputatlar tadbir ishtirokchilariga konstitutsiyamiz haqida ma’lumot berdilar. Har bir xalqning tarixida uning taqdirini belgilab beradigan muhim hujjatlar bo‘ladi.

O‘zbekiston xalqi uchun bunday hujjat bu Konstitutsiyadir. Zero, Konstitutsiya nafaqat davlatning Bosh qonuni, balki butun jamiyatning ma’naviy poydevori, inson qadri va huquqlarining ishonchli kafolati sifatida e’tirof etiladi.