#deputatlik_faoliyati

Xalq deputatlari Toshkent viloyati Kengashi deputati Gafurdjan Muxamedov Parkent tumanidagi o‘z saylov okrugi hududiga kiruvchi mahalla fuqarolar yig‘inlari (MFY) faollari bilan uchrashuv o‘tkazdi. Uchrashuv davomida deputat mahalla aholisini qiynayotgan muammolarni o‘rganish, mavjud masalalarga amaliy yechim topish hamda saylovchilar bilan ochiq muloqot qilish maqsadida fikr almashdi.

Tadbirda mahalla raislari, faollar, nuroniylar, yoshlar va boshqa manfaatdor tomonlar ishtirok etdi. Uchrashuv chog‘ida aholini tashvishga solayotgan dolzarb masalalar, jumladan: infratuzilmani yaxshilash, ta’lim muassasalarida ta’lim sifatini oshirish, hamda yoshlarni bandlik bilan ta’minlash kabi masalalar ko‘tarildi.

Gafurdjan Muxamedov har bir masalaga alohida e’tibor qaratib, ularni hal etish bo‘yicha tegishli tashkilotlar bilan hamkorlikda ish olib borilishini ta’kidladi. Deputat fuqarolarning taklif va e’tirozlarini eshitib, ayrim muammolarni joyida hal qilish bo‘yicha topshiriqlar berdi.

Uchrashuv yakunida deputat bunday ochiq muloqotlar muntazam ravishda o‘tkazilib, saylovchilarning murojaatlari asosida aniq natijalarga erishilishini bildirdi.

https://t.me/TV_Kengash