Tibbiy ta’minot nazoratda: Deputat Komilova bepul dori
taqsimotini o‘rgandi 

Fayzabod okrug deputati D.Komilova hududdagi tibbiyot bo‘limida aholiga
bepul beriladigan dorilar bilan ta’minlash holatini o‘rganish maqsadida amaliy
tashrif amalga oshirdi. Tashrif davomida dorilar zaxirasi, ularning o‘z vaqtida
qabul qilinishi va bemorlarga adolatli taqsimlanish jarayonlari atroflicha
ko‘zdan kechirildi. 

Deputat tibbiyot bo‘limi mas’ullari bilan suhbatda dori-darmonlarni qabul
qilish tartibi, hujjatlashtirish jarayoni va mavjud ehtiyojlarni qondirish
imkoniyatlari bo‘yicha ma’lumot oldi. Shuningdek, bemorlar bilan muloqot qilib,
ularga dori berilishda kechikish yoki yetishmovchilik holatlari bor-yo‘qligi
o‘rganildi. 

Komilova mas’ullarga aholiga ajratiladigan dori-darmonlar ustidan qat’iy
nazorat o‘rnatish, tartib-intizomni kuchaytirish hamda zarur hollarda
qo‘shimcha zaxira shakllantirishni taklif etdi.