Xalq deputatlari Bekobod shahar kengashi deputati G.Sharipova shahar Axborot-kutubxona markazi binosida “mahalla yettiligi” bilan hamkorligida “Bog‘ishamol” mahallasi aholisi, nuroniylari va yoshlar ishtirokida davra suhbati tashkil etildi. Tadbirda “Konstitutsiya – inson qadri, erkinlik, tenglik va adolat garovi” hamda “Milliy qadriyatlar – ma’naviyatimiz poydevori” mavzulari
atroflicha muhokama qilindi. Suhbat davomida yangi tahrirdagi O‘zbekiston Respublikasi Konstitutsiyasida fuqarolarning huquq va erkinliklarini ishonchli himoya qilish, inson qadrini ulug‘lash, ijtimoiy adolat tamoyillarini mustahkamlash borasida belgilangan
me’yor va kafolatlar haqida batafsil tushuntirish berildi. Shuningdek, O‘zbekiston Respublikasi “Korrupsiyaga qarshi kurashish to‘g‘risida”gi qonunning mazmun-mohiyati bilan tanishtirib o‘tdi. Milliy qadriyatlarimizni asrash, avlodlar o‘rtasida ma’naviy uzviylikni ta’minlash, yoshlarni Vatanga sadoqat, mehr-oqibat, halollik kabi yuksak fazilatlar ruhida tarbiyalashning dolzarbligi ta’kidlandi. Uchrashuv jarayonida mahalla faollari va nuroniylar tomonidan yoshlar o‘rtasida kitobxonlikni rivojlantirish, oilaviy tarbiya, mahalla birdamligi hamda milliy-ma’naviy merosni keng targ‘ib etish bo‘yicha taklif va tashabbuslar ilgari surildi.