Bugun Jondor tumanidagi “Tinchlik” mahalla fuqarolar yig’inida "To’y  va marosimlarni ixchamlashtirish, tartibga solish, dabdababozlikni oldini olish", mahallada ijtimoiy-ma’naviy muhitni sog’lomlashtirish, barqarorligini ta’minlash, jinoyatchilik va huquqbuzarlikni oldini olish borasida davra suhbati o’tkazildi. Davra suhbatida mahala faollari, ma’naviyat targ’ibotchilari, ko’cha oqsoqqollari, aholi va yoshlar ishtirok qildilar.

 Tadbir jarayonida Respublika Ma’naviyat va ma’rifat markazi tuman bo’linmasi rahbari L.Ergasheva, Xalq deputatlari tuman Kengashi deputati I.Xolov, tuman bosh imom xatibi A.Raxmonov, tuman adliya bo’limining yuridik xizmat ko’rsatish markazi  boshlig’i Sh.Jo’rayev, tuman hokimining diniy masalalar  bo’yicha maslahatchisi S.Gadoyevlar so’zga chiqib mavzu yuzasidan fikr mulohazalarini bildirdilar.

Tuman Axborot kutubxona markazi tomonidan kitob mutoolasi targ‘iboti amalga oshirilib, kiberjinoyatchilikni va to’y hashamlarni tartibga solish yuzasidan fleyrlar tarqatildi.