✅Xalq deputatlari Jondor tumani Kengashi deputatlari, tuman Ekologik partiyasi va Milliy tiklanish partiyasi vakillari, 48-maktab jamoasi, Jondor 3-son texnikumi hamkorligida “Yashil makon” loyihasi doirasida navbatdagi ko‘chat ekish tadbiri o‘tkazildi. 

✅Ushbu loyiha mamlakatimizda amalga oshirilayotgan keng ko‘lamli ekologik islohotlarning muhim tarkibiy qismi bo‘lib, ta’lim muassasalarida yashil maydonlarni ko‘paytirish, atrof-muhitni muhofaza qilish madaniyatini shakllantirish, yosh avlodda tabiatga mehr, mas’uliyat va e’tibor tuyg‘ularini kuchaytirishga xizmat qiladi.

✅“Yashil makon” umummilliy tashabbusi doirasida tumanimizdagi barcha ta’lim tashkilotlarida shunday ezgu ishlar izchil amalga oshirilmoqda. Har bir ekilgan ko‘chat — bu kelajakka qo‘yilgan kichik, ammo juda muhim hissa ekanini unutmaylik.