O'zbekiston Respublikasi Oliy Majlisi Qonunchilik palatasi deputati Narimon Umarov, “Adolat” SDP Toshkent viloyati Kengashi raisi o‘rinbosari Dilshod Ismoilov hamda Xalq deputatlari Chinoz tumani Kengashi deputatlari Asqar Baxramov va Abdumalik Aliyevlar tuman Tibbiyot birlashmasida bo‘lib, kuz–qish mavsumiga tayyorgarlik jarayonlari bilan yaqindan tanishdilar.

📝Tashrif davomida muassasaning infratuzilmasi, isitish tizimlari, dori-darmon zaxiralari hamda bepul beriladigan dori vositalari bilan ta’minlash holati atroflicha o‘rganildi.

♻️Mutasaddilar tomonidan mavjud kamchiliklar va ularni bartaraf etish bo‘yicha zarur ko‘rsatmalar berilib, aholiga sifatli tibbiy xizmat ko‘rsatishni ta’minlash, ayniqsa mavsumiy kasalliklarning oldini olish bo‘yicha amalga oshirilayotgan ishlarning samaradorligini oshirish yuzasidan tavsiyalar bildirildi.

✅Mazkur o‘rganish tibbiyot muassasasining faoliyatini yanada takomillashtirish va aholining sog‘lig‘ini muhofaza qilishga qaratilgan chora-tadbirlarning izchil davom ettirilishiga xizmat qiladi.