25-noyabr xalqaro "Xotin-qizlarga nisbatan zo‘ravonlikka barham berish" kuni. Mazkur kundan boshlab yurtimiz bo‘ylab “Zo‘ravonlikka qarshi 16 kun” ijtimoiy-ma’rifiy tadbirlari start oldi. Boyovut tumani hokimligida o‘tkazilgan tadbir ham aynan shu maqsadga qaratildi. 

Tadbirda tuman Kengashi deputati, tuman hokimining o‘rinbosari, ichki ishlar, diniy soha vakillari, nuroniylar ishtirok etib, zo‘ravonlikning oldini olishda aholi, ayniqsa xotin-qizlarning faol ishtirokini ta’minlash muhim ekanini ta’kidlashdi. Yig‘ilishda mazkur tadbirlarni yuqori saviyada tashkil etish, joylarda targ‘ibot va tushuntirish ishlarini faollashtirish bo‘yicha chora-tadbirlar belgilab olindi.

“Zo‘ravonlikka qarshi 16 kun” — bu shunchaki tadbir emas, balki jamiyatdagi adolatsizlikka nisbatan umumiy murosasizlikni shakllantirish, har bir ayolning himoyalangan va qadrlanganini his qilishi uchun amaliy qadamdir.