Deputatlar tuman mudofaa
ishlari bo‘limidagi ta’mirlash ishlarini o‘rgandilar 

Xalq deputatlari Quva tuman
Kengashi deputatlari tuman mudofaa ishlari bo‘limida pudratchi tashkilot
“Active Construction” MChJ tomonidan bajarilayotgan mukammal ta’mirlash ishlari
holatini o‘rgandilar. Loyixa qiymati 2 milliard
100 million so‘m.  

O‘rganish
davomida deputatlar ob’ektda amalga oshirilayotgan ishlar sifati, texnologiyalarga
rioya etilishi hamda loyiha-smeta hujjatlariga muvofiqligi yuzasidan atroflicha
fikr almashdilar. Shuningdek, qurilish tashkiloti mas’ullariga ishlarni qishning
sovuq kunlariga qoldirib qo‘ymasdan, belgilangan muddatlarda va yuqori sifat talablariga
rioya qilingan holda yakuniga yetkazish borasida tegishli tavsiyalar berildi. 

Ta’kidlash
joizki, mazkur o‘rganish mudofaa sohasiga oid infratuzilmani yanada takomillashtirish,
aholiga ko‘rsatiladigan xizmatlar sifatini oshirish, shuningdek, binodan foydalanish
samaradorligini yanada yaxshilashga qaratilgan muhim qadamlardan biridir. Ushbu
ishlar amalga oshirilishi esa tuman hududidagi harbiy-ma’muriy infratuzilmani modernizatsiya
qilish va zamonaviy talablarga mos sharoitlarni yaratishga xizmat qiladi.