Xalq deputatlari Chinoz tumani Kengashi Korrupsiyaga qarshi kurash va xavfsizlik masalalari bo‘yicha doimiy komissiyasi tomonidan Chinoz tumani Fuqarolik xolati dalolatnomalarini yozish bo‘limi o‘rganildi.

Tug‘ilganlikni qayd etish, yangi tug‘ilgan bolalarni rasmiy ro‘yxatga olish, qisqasi tug‘ilish, o‘lim, nikoh, ajralish va boshqa holatlar bo‘yicha statistik ma’lumotlarni yuritish va tegishli idoralarga taqdim etish bilan shug‘ullanadi. Asosiy vazifalari tug‘ilganlikni qayd etish, yangi tug‘ilgan bolalarni rasmiy ro‘yxatga olish, tug‘ilganlik to‘g‘risida guvohnoma berish, nikohni rasmiylashtirish, nikohni qayd etish, nikoh to‘g‘risida guvohnoma berish, nikohni bekor qilish haqida qayd qilish, vafotni qayd etish, vafot etgan shaxs haqida rasmiy qayd kiritish,vafot to‘g‘risida guvohnoma berish,ism, familiya va otasining ismini o‘zgartirish, shaxsning ismi, familiyasi yoki otasining ismini o‘zgartirish bo‘yicha arizalarni ko‘rib chiqish, tegishli dalolatnomalarni qayta rasmiylashtirish, bolani farzandlikka olish yoki uning huquqiy holatini o‘zgartirishni qayd etish, farzandlikka olish, vasiylik va boshqa huquqiy holatlarni rasmiylashtirish, qayta dalolatnoma yoki guvohnoma berish, yo‘qolgan yoki buzilgan hujjatlarni qayta berishdan iborat.

Bo‘limda ikki nafar xodim ishlaydi. Bo‘lim mudirasi Shoxida Ukibayeva 25 yillik ish stajiga ega. Aziza Ibragimova 1 toifali inspektor. Ular bir kunda, ayniqsa xaftaning dushanba kunlari yuzga yaqin, oddiy kunlarda esa 60-70 nafar fuqarolarga xizmat ko‘rsatishadi.