Oʻzbekiston XDP Boʻston tumani kengashi raisi, xalq deputatlari tuman Kengashi deputati M.Tuychieva tomonidan Ibn Sino nomidagi tibbiyot texnikumida talaba yoshlar oʻrtasida "Safimizdagi yoshlar" loyihasi asosida Andijon Davlat Universiteti oʻqituvchisi, boʻlajak olima, faol partiya a'zosi Olimjonova Guloyim Dilshodbek qizi bilan uchrashuv tashkil etildi. Uchrashuvda dastlab tuman Kengashi deputati M.Toʻychieva yoshlarga partiya maqsadlari,gʻoyalari va vazifalari yuzasidan tushunchalar berdi. Shundan soʻng, Olimjonova Guloyim oʻz faoliyati yuzasidan ishtirokchilarga ma'lumotlar berdi. U oʻz soʻzida mamlakatimizda yoshlarga berilayotgan imkoniyatlar natijasida qator yutuqlarga erishgani, xozirda nomzodlik ishini olib borayotgani va tez kunlarda nomzodlik ishini himoya qilishi qilishi kabi yutuqlari xaqida fikr-muloxazalarini bildirdi. Tadbir koʻtarinki ruxda, savol-javoblar asosida oʻtdi.