Respublika Maʼnaviyat va maʼrifat markazi Bekobod shahar bo‘linmasi hamda Xalq deputatlari Bekobod shahar kengashi kotibiyati bilan birgalikda shaharda joylashgan 9226-son harbiy qismda maʼnaviy-maʼrifiy tadbir bo‘lib o‘tdi. Tadbir doirasida harbiy xizmatchilar ishtirokida "Millat fidoyilari" kitobi hamda O‘zbekiston Respublikasi "Shon-sharaf" davlat muzeyi tomonidan chop etilgan kitob-albomning taqdimoti o‘tkazildi. Mazkur taqdimotlar orqali Vatanimiz mustaqilligi, tinchligi va taraqqiyoti yo‘lida fidokorona xizmat qilgan millat qahramonlarining hayoti, jasorati va o‘lmas xotiralari harbiy xizmatchilar e’tiboriga havola qilindi. Tadbir ishtirokchilari ushbu nashrlar orqali milliy g‘urur, tarixiy xotira va vatanparvarlik tuyg‘ularini chuqur his etdilar. Taqdimot yakunida harbiy xizmatchilar tomonidan kitoblarga katta qiziqish bildirilib, ularning mazmun-mohiyati yuzasidan faol fikr almashildi. Bunday uchrashuvlar yosh avlod qalbida vatanparvarlik, tarixiy ong va milliy qadriyatlarga hurmat tuyg‘usini mustahkamlashda muhim ahamiyat kasb etadi