✅ Xalq deputatlari Chilonzor tuman Kengashi deputati Nazirov Madamin Ma'rufjon o'g'li o'z okrugidagi 131-maktabda oqituvchi va o'quvchilar bilan uchrashdi.

🌀Deputat dastlab maktabdagi faoliyat va muammolar va maktabning kuz-qishga tayyorgarlik holati bilan tanishdi. 

Shuningdek, maktab o‘qituvchilarini 1-oktabr - “O‘qituvchi va murabbiylar kuni” bilan tabrikladi.

 Jumladan, 15-sentabr kuni Prezident Shavkat Mirziyoyev O‘qituvchi va murabbiylar kuni arafasida soha xodimlari bilan muloqot o‘tkazgani va davlatimiz rahbari o‘z hayotini yosh avlodga ta’lim va tarbiya berishdek dunyodagi eng ulug‘ ishga bag‘ishlab kelayotgan barcha muallim, professor va o‘qituvchilarni – bir millionlik pedagoglar jamoasini ana shu qutlug‘ bayram bilan samimiy muborakbod etganliklarini aytib o'tdi.  

🌀Deputat hozirgi kunda ta'lim tizimida yoshlar uchun yaratib berilayotgan keng imkoniyatlar va xususiy Oliygohlarda ham ishlar yaxshi yo‘lga qo‘yilganligi, zamon talablari asosida faoliyat olib borilayotgani va zamonaviy o‘quv texnologiyalari joriy etilganligi to'g'risida maktab bitiruvchilariga ma'lumot berib o'tdi.