O‘zbekiston Respublikasi Prezidenti tomonidan AQSHda o‘tkazilgan BMT sammitida ilgari surilgan tashabbus va takliflar bugungi globallashuv davrida xalqimizning manfaatlari, mamlakatimiz taraqqiyoti hamda butun mintaqa barqarorligi uchun muhim ahamiyat kasb etadi. Yurtboshimizning nutqida ilgari surilgan fikrlar xalqaro maydonda O‘zbekistonning tobora ortib borayotgan nufuzi va obro‘sining amaliy isbotidir.

Davlat rahbarimizning barqaror rivojlanish, tinchlik va xavfsizlikni ta’minlash, ekologiya va iqlim o‘zgarishi, yoshlar va ayollarni qo‘llab-quvvatlash kabi global masalalarga oid tashabbuslari nafaqat mamlakatimiz, balki butun dunyo hamjamiyati uchun dolzarb va o‘ta zarurdir.

Shuningdek, sammit doirasida Prezidentning qator davlat rahbarlari bilan uchrashuvlari O‘zbekistonning xalqaro hamkorlikka ochiqligini, barcha bilan teng va manfaatli aloqalarni yo‘lga qo‘yish istagini namoyon etdi. Xorijdagi vatandoshlarimiz bilan uchrashuv esa xalqimizga bo‘lgan yuksak e’tibor va g‘amxo‘rlikning yaqqol ifodasidir.

Deputat sifatida biz davlatimiz rahbari tomonidan ilgari surilayotgan tashabbuslarni to‘liq qo‘llab-quvvatlaymiz. Ushbu tashabbuslar mamlakatimiz taraqqiyotiga yangi imkoniyatlar ochib, xalqimiz farovonligini oshirish, O‘zbekistonni yanada kuchli va obro‘li davlat sifatida ko‘rsatishda muhim omil bo‘lib xizmat qiladi.

Bo‘tayev Akrom Akbaraliyevich

Xalq deputatlari Boyovut tuman Kengashi 4-Farhod saylov okrugi deputati