Boyovut tumani "Navbahor" mahallasida joylashgan 48-maktab o‘quvchisida mobil telefon va internetdan noto‘g‘ri foydalanish holati aniqlandi. Xususan, o‘quvchi turli nomaqbul saytlar va kiberxavfsizlik qoidalariga zid manbalardan foydalanayotgani ma’lum bo‘ldi.

Mazkur holat yuzasidan tuman Kengashi deputati, mahalla raisi Jumavoy Rahmonqulov, mahalla profilaktika inspektori hamda maktab direktori birgalikda o‘quvchi bilan tushuntirish ishlari olib bordilar. Unga axborot texnologiyalaridan noto‘g‘ri foydalanish salbiy oqibatlarga olib kelishi, bunday xatti-harakatlar yosh avlod kelajagiga putur yetkazishi haqida batafsil tushuntirildi.

O‘quvchiga so‘nggi ogohlantirish berilib, bundan buyon telefon va internetdan oqilona foydalanish, darslarga jiddiy yondashish zarurligi ta’kidlandi.

Mazkur tadbir yoshlar orasida kiberxavfsizlik madaniyatini shakllantirish, ularni zararli axborotlardan asrash hamda ularning bo‘sh vaqtini mazmunli o‘tkazishga qaratilgan muhim chora-tadbirlar sirasiga kiradi.