Xalq deputatlari Bekobod tumani Kengashining VII-chaqiriq navbatdagi 17-sessiyasida bir qator dolzarb masalalar ko‘rib chiqildi. Unda tuman hokimining birinchi o‘rinbosari E.Imamov O‘zbekiston Respublikasi Prezidentining 2024-yil 20-dekabrdagi PF-223-son Farmoni ijrosi hamda 2025-yilga mo‘ljallangan kompleks ijtimoiy-iqtisodiy rivojlantirish dasturi doirasida 2-chorakda amalga oshirilgan ishlar yuzasidan hisobot berdi. Shuningdek, Ekologiya, atrof-muhitni muhofaza qilish va iqlim o‘zgarishi bo‘limi rahbari M.Fazilov 2025-yilning yanvar-avgust oylarida amalga oshirilgan faoliyat yuzasidan ma’lumot berdi. 

Sessiyada 2025-yil 28-apreldagi qarorga o‘zgartirishlar kiritish, tuman byudjeti qo‘shimcha manbalari hisobidan mablag‘ ajratish, “Zarbdor tajribasi” asosidagi drayver loyihalarni tasdiqlash hamda “Ochiq byudjet” portali orqali jamoatchilik fikri asosida g‘olib bo‘lgan tashabbuslarni moliyalashtirish masalalari ko‘rib chiqildi.

Mazkur masalalar yuzasidan G.Risqulova hamda M.Turdimatova tegishli axborotlar bilan ishtirok etdi. Sessiyada Kengash huzuridagi yoshlar maslahat guruhi a’zolari ham faol qatnashdi.