Belgilengen is-reje tiykarında Xalıq deputatları Bozataw rayonlıq Keńesiniń Reglament hám deputatlıq ádep-ikramlılıǵı máseleleri boyınsha turaqlı komissiyasınıń gezektegi májilisi bolıp ótti. Májilis komissiya aǵzaları hám rayonlıq Keńes deputatlarınıń belsendi qatnasıwında bolıp ótti. Májilisti komissiya baslıǵı SH.Berdaxov ashıp berdi, búgingi kúnde deputatlıq
iskerlikti jáne de kúshiytiw, Keńes jumısların ashıqlıq hám nızamshılıq tiykarında alıp barıw áhmiyetli ekenligin atap ótti. Sonday-aq deputatlardıń xalq aldındaǵı juwapkershiligi, deputatlıq ádep-ikramlılıq qaǵıydalarına ámel etiwi, puqaralar menen múrájatlar boyınsha nátiyjeli islewi máselelerine ayrıqsha toqtaldı. Májilis dawamında komissiya aǵzaları hám deputatlar tárepinen rayonlıq Keńestiń jumısın jáne de nátiyjeli shólkemlestiriw, sessiyalar hám turaqlı komissiyalar jumısında zamanagóy usıllardan paydalanıw, deputatlar tárepinen aymaqlarda alıp barılıp atırǵan úyreniwlerdi tártiplestiriw boyınsha pikir-almasıwlar bolıp ótti. Sonıń menen birge deputatlar tárepinen puqaralardıń múrájatların óz waqtında qarap shıǵıw, xalıq penen sáwbetlesiwlerdi kúshteytiw, deputatlıq sorawları hám qadaǵalaw jumısların jánede janlandırıw boyınsha usınıslar bildirildi. Komissiya aǵzaları bul jóneliste alıp barılatuǵın jumıslar boyınsha óz pikirlerin aytıp, usınısların bildirdi.
Májilis juwmaǵında kún tártibindegi máseleler boyınsha tiyisli qararlar qabıl etilip, aldaǵı waqıtta ámelge asırılatuǵın wazıypalar belgilenip alındı.