KAMBAG‘ALLIKNI QISQARTIRISH – USTUVOR VAZIFA 

Xalq deputatlari Quva tuman Kengashi deputati M.Raximov
hamda Kengash kotibiyati bosh mutaxassisi M.To‘xtasinovlar tomonidan O‘zbek
mahalla fuqarolar yig‘inida manzilli o‘rganish ishlari amalga oshirildi. 

O‘rganish jarayonida mahallada hokim yordamchisi tomonidan
aholi bandligini ta’minlash, ularni tadbirkorlikka jalb etish, yangi ish
o‘rinlarini yaratish hamda kam ta’minlangan oilalarni kambag‘allikdan chiqarish
bo‘yicha amalga oshirilayotgan ishlar atroflicha tahlil qilindi. 

Shuningdek, deputat kam ta’minlangan deb e’tirof etilgan
oilalar xonadonlarida bo‘lib, ularga daromad manbaini yaratish maqsadida
ko‘rsatilgan yordamlarni manzilli tarzda o‘rgandi. 

O‘rganish yakunida hokim yordamchisiga aholi bandligini
ta’minlash ishlarini yanada kuchaytirish, manzilli yordamni aniq ehtiyojlar
asosida yo‘naltirish hamda ijtimoiy qo‘llab-quvvatlash mexanizmlarini
kengaytirish yuzasidan tegishli tavsiya va ko‘rsatmalar berildi.