“Ishbilarmon ayol – 2025” ko‘rik-tanlovining Dehqonobod tumani bosqichi bo‘lib o‘tdi.

 O‘zbekiston Liberal-demokratik partiyasi (O‘zLiDeP) Dehqonobod tuman Kengashi tomonidan “Ishbilarmon ayol – 2025” ko‘rik-tanlovining tuman bosqichi tashkil etildi. 

 Mazkur tanlovda tumanda tadbirkorlik, hunarmandchilik va fermerlik sohalarida faoliyat yuritib, yuqori natijalarga erishayotgan, yangi ish o‘rinlari yaratishda alohida o‘rnak bo‘layotgan faol ayollar ishtirok etdilar.  

 Ular orasidan eng ilg‘or va tashabbuskorlari saralab olindi. 

 Tadbirda Xalq deputatlari tuman Kengashining deputati M.Menglieva hamda faol a’zolar ishtirok etdilar. 

 G‘oliblarga diplomlar hamda esdalik sovg‘alari tantanali tarzda topshirildi. Endi ular viloyat bosqichida Dehqonobod tumani sharafini munosib himoya qiladilar. 

 Mazkur tanlov nafaqat ayollar faolligini oshirish, balki ularning iqtisodiy hayotdagi o‘rnini mustahkamlash, jamiyatdagi ijtimoiy mavqeini yuksaltirishga xizmat qilmoqda.