Xalıq deputatları Qaraózek rayonlıq Keńesi deputatlarınıń saylaw okrugleri aymaqlarında 2025-jıldıń II sheregi juwmaǵı boyınsha esabat ushırasıwı Berdaq awıl puqaralar jıyınında bolıp ótti. Onda aymaqtan saylanǵan 7-Shayxana kópir okruginen deputat R.Qarmisova hám 8-Mańǵıtjarǵan okruginen deputat G.Minajatdinova, máhálle jetiligi hám aymaqtaǵı mákeme, shólkem wákilleri, aymaq turǵınları qatnastı. Ushırasıwda bayanatshılar 2025-jıldıń II sheregi juwmaǵı boyınsha ámelge asırılǵan jumısları hám nızam, qararlar, mámleketlik baǵdarlamalarda belgilengen wazıypalardıń aymaqta orınlanıwı haqqında toqtalıp ótti. Sonday-aq, aymaq puqaralarınıń múrajatları tıńlanılıp olardıń orınlanıwı boyınsha deputatlardıń máhálle wákilleri menen birgelikte is-ilájları belgilenip alındı.