Qurilish ishlari deputatlik nazorati doirasida o‘rganildi

Xalq deputatlari Qiziriq tumani Kengashi deputati Ch.Alimov, tuman Kengashi kotibiyati mudiri K.Muhammadiyev hamda tuman Kengashi deputati N.Alimovlar O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, oliy darajadagi tashriflar davomida erishilgan kelishuvlar yuzasidan ishlab chiqilgan “Yo‘l xaritalari”da Qiziriq tumanini ijtimoiy-iqtisodiy rivojlantirish bo‘yicha belgilangan chora-tadbirlarni manzilli o‘rganish hamda samarali nazoratni amalga oshirish rejasiga muvofiq nazorati deputat Ch.Alimovga biriktirilgan obyekt — O‘zbekiston Respublikasi Prezidentining 2025-yil 27-dekabrdagi PQ–393-sonli qarorida belgilangan Qiziriq tumani “Do‘stlik” mahallasidagi 1-son umumiy o‘rta ta’lim maktabini rekonstruksiya qilish jarayonini joyiga chiqib o‘rgandilar.

O‘rganish davomida qurilish-montaj ishlarining borishi, loyiha ijrosi, bajarilgan ishlar hajmi hamda belgilangan muddatlarga rioya etilishi yuzasidan mas’ullarning axboroti tinglanib, mavjud holat atroflicha tahlil qilindi.

Shuningdek, qurilish ishlarini sifatli va belgilangan muddatlarda yakunlash hamda aniqlangan kamchiliklarni bartaraf etish yuzasidan tegishli mas’ullarga tavsiya va takliflar bildirildi.
Hududlarda amalga oshirilayotgan infratuzilma loyihalari ustidan deputatlik nazorati izchil davom ettirilmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram