Xalq deputatlari Oqdaryo tumani Kengashining navbatdagi sessiyasi oldidan muhim masalalar muhokama qilindi

📌 Oqdaryo tumani Kengashining navbatdagi sessiyasi kun tartibiga kiritilgan masalalar yuzasidan tegishli tashkilotlar tomonidan tayyorlangan hujjatlar atroflicha ko‘rib chiqildi. Xususan, tuman maktabgacha va maktab ta’limi bo‘limining hisoboti deputatlar va mutasaddi tashkilot vakillari ishtirokida batafsil muhokama etildi.

🗂 Muhokama jarayonida ta’lim sifatini oshirish, mavjud muammolarni aniqlash hamda ularni bartaraf etish yuzasidan aniq taklif va mulohazalar bildirildi. Deputatlar tomonidan maktabgacha ta’lim muassasalari va umumta’lim maktablaridagi holat, pedagog kadrlar salohiyati, moddiy-texnik baza hamda o‘quv jarayonining samaradorligiga alohida e’tibor qaratildi.

💬 Shuningdek, sessiyaga taqdim etilgan hujjatlar yuzasidan fikrlar almashilib, ularning mazmun-mohiyati chuqur tahlil qilindi. Har bir masala bo‘yicha asosli takliflar ishlab chiqilib, tegishli qaror loyihalarini yanada takomillashtirish zarurligi ta’kidlandi.

📊 Muhokamalar yakunida bildirilgan taklif va tavsiyalar umumlashtirilib, ularni inobatga olgan holda sessiya kun tartibidagi masalalarni ko‘rib chiqish uchun tayyorlash belgilab olindi.

✅ Ushbu jarayon hududda ta’lim tizimini yanada rivojlantirish, sifat ko‘rsatkichlarini oshirish hamda kelgusida samarali natijalarga erishishga xizmat qilishi qayd etildi.