🇺🇿 Oʻzbekiston Respublikasi Oliy Majlisi Senati Kengashining 2025-yil 28-yanvardagi KQ-52-V-sonli qaroriga asosan xalq deputatlari viloyat, tuman va shahar Kengashlari huzurida Ekspert guruhlari tashkil etilgan.

✔️Ekspert guruhi:

— mahalliy Kengash va uning doimiy komissiyalari faoliyatini ekspert hamda axborot-maslahat jihatidan qo‘llab-quvvatlash;

— norma ijodkorligi jarayonlariga ko‘maklashish;

— nazorat-tahlil tadbirlarini tayyorlash va o‘tkazishda amaliy yordam berish maqsadida faoliyat yuritadi.

✔️Mazkur guruh:

— jamoatchilik asosida faoliyat olib boradigan maslahat organi hisoblanadi;

— mahalliy Kengash qarori bilan shakllantirilgan;

— uning xulosalari tavsiyaviy xususiyatga ega.

✔️Ekspert guruhi o‘z faoliyatida Oʻzbekiston Respublikasi Konstitutsiyasi va qonunlari, Oliy Majlis palatalari qarorlari, Prezident farmonlari, Hukumat qarorlari hamda mahalliy Kengash hujjatlariga amal qiladi.

✔️Ushbu tizim mahalliy Kengashlar faoliyatida ochiqlik, samaradorlik va professional yondashuvni kuchaytirishga xizmat qiladi.

✍️ Xalq deputatlari Sherobod tumani Kengashining Reglament va deputatlik odob-axloqi masalalari bo‘yicha doimiy komissiyasi raisi Z.Eshmurodova