Moynaq rayonında investiciyalıq joybar jumısı úyrenildi

Qaraqalpaqstan Respublikası Joqarǵı Keńesiniń deputatı, ÓzXDP frakciyasınıń aǵzası B.Utambetova,  rayonlıq Keńes baslıǵı A.Tlewov, rayonlıq Keńes deputati, OzXDP deputatliq topari agzasi K.Nasirovalarmenen birgelikte 2026-jılǵı investiciyalıq baǵdarlama sheńberinde Moynaq rayonında iske qosılǵan joybardıń jumısı úyrenildi.

Úyreniw barısında "ABAT TORT QARA" juwapkershiligi sheklengen jamiyetinde bolıp, kárxanada ámelge asırılıp atırǵan investiciyalıq baslamalar, óndirislik quwatlıqlar hám jaratılǵan jańa jumıs orınları menen jaqınnan tanıstı.

Kárxananıń ekonomikalıq nátiyjeliligi, ónim islep shıǵarıw kólemi hám xalıqtıń bántligin támiyinlewdegi ornı menen tanıstı. Sonday-aq, isbilermenler menen sóylesiw ótkerilip, bar mashqalalar hám olardı saplastırıw máseleleri dodalandı.

Juwapkerler tárepinen joybardıń turaqlı jumıs islewin támiyinlew, eksport potencialın arttırıw hám jańa investiciyalardı tartıw boyınsha tiyisli wazıypalar belgilep alındı.