So‘rovda hududdagi muddatini o‘tab bo‘lgan yog‘och elektr tayanchlari aholi xavfsizligiga tahdid solayotgani, kuchli shamol va noqulay ob-havo sharoitlarida elektr ta’minotida uzilishlar yuzaga kelishi mumkinligi ta’kidlanib, mavjud tayanchlarni zamonaviy temir-beton ustunlarga almashtirish hamda elektr tarmoqlarini yangilash bo‘yicha choralar ko‘rish masalasi ko‘tarilgan.

💬 Mazkur deputat so‘rovi yuzasidan Termiz shahar Elektr ta’minoti korxonasi tomonidan 2026-yil 3-iyun kuni 38/265-sonli rasmiy javob xati taqdim etildi. Unda bildirilishicha, mutaxassislar tomonidan o‘rganish ishlari olib borilgan va “Abdurahmon Jomiy” mahallasida aholini sifatli hamda uzluksiz elektr energiyasi bilan ta’minlash maqsadida eskirgan yog‘och tayanchlarni beton tayanchlarga almashtirish ishlari amalga oshirilmoqda.

🫥Shuningdek, hudud Termiz shahar hokimligi tomonidan ustuvor e’tibor talab etadigan hudud sifatida belgilangan bo‘lib, qurilish tashkilotlari tomonidan tasdiqlangan loyiha-smeta hujjatlari asosida rekonstruksiya ishlari jadal sur’atlarda olib borilayotgani qayd etildi.

💬 Deputatlik nazorati orqali ko‘tarilgan muammolarning amaliy yechim topayotgani aholi murojaatlari e’tibordan chetda qolmayotganining yana bir tasdig‘idir.